中醫老秘方，紫雲膏？ 🤔
有啲人會話「有濕疹，咁不如用紫雲膏啦？」紫雲膏聽就聽得多啦，咁紫雲膏到底係咩嚟呢？ 🤔
紫雲膏係非常出名嘅古老配方，以前又稱為「潤肌膏」，佢嘅功用非常多，有滋潤皮膚，治療燙傷、凍傷、暗瘡、蚊叮蟲咬等等，佢更加似係俄羅納英h軟膏嘅中式版，性質似係『看門口用』嘅『萬用膏』💊
冇錯，佢其實唔係專醫濕疹嘅藥膏，咁點解會有人話醫濕疹都可以靠佢呢？
紫雲膏的確唔係專醫濕疹嘅藥膏，但其中有兩樣成份，係可以幫助擊退濕疹就係紫草膏同當歸，呢兩個都係紫雲膏入面最重要嘅成份 💪 💪 💪
註冊中醫邱宇鋒表示，係中醫嘅角度，急性濕疹，成因大多同血熱有關，而紫草，性味甘寒，滲入皮膚後可涼血、活血，達到紓緩之用，更有助抗敏褪紅，具清熱解毒之效，可避免外邪入侵，所以紫雲膏對付濕疹係有用㗎，不過話醫得好濕疹，就太過言之其實，畢竟佢並唔係專醫濕疹嘅藥膏。
但都係嗰句，紫雲膏嘅成效因人而異，亦都未必嗰個適合，所以揀濕疹膏，都係揀專門醫治濕疹嘅藥膏比較好，最好就咨詢一下醫生 👨🏻⚕️，或者做敏感測試!
